Koolfrikkadelle
Frikkadelle 1 ui, gerasper 250 g beesmaalvleis 250 g varkmaalvleis 5 ml sout Vars gemaalde swartpeper na smaak 250 ml witbroodkrummels Fyngerasperde skil van ’n halwe suurlemoen Skeut suurlemoensap 30 ml gekapte, vars pietersielie 5-10 ml geskroeide koljander 1 groot kopkool 625 ml tuisgemaakte tamatiesmoor 2 wiele fetakaas, gekrummel
Meng alles vir die frikkadelle goed saam en sit vir minstens 20 minute in die yskas. Haal intussen genoeg groot blare van die kopkool af, sny die stronke uit en blansjeer dit in kokende soutwater tot sag genoeg om die frikkadelle in toe te draai. Dreineer goed. Rol die vleismengsel in frikkadelle en vou elkeen in ’n koolblaar toe. Pak teen mekaar in ’n gesmeerde oondbak en skep die tamatiesmoor oor. Bedek met foelie en bak vir 30 minute. Haal die foelie af, geur bo-op met sout en peper en sprinkel die fetakaas oor. Bak oop vir nóg 15-20 minute tot die gereg kleur kry. Sit voor met rys of kapokaartappels. Lewer 6 porsies.