Frikkadelle met sampioensous op noedels
Frikkadelle 500 g beesmaalvleis 5 ml elk koljander, sout en peper 1 ui, gerasper 1 ekstragroot eier 2 knoffelhuisies, baie fyn gekap 60 ml gekapte, vars kruie
Sampioensous 45 g botter 1 ui, gehalveer en dun gesny 250 g bruin sampioene Sout en vars gemaalde swartpeper 60 ml sjerrie 125 ml hoenderaftreksel 1 houer (200 g) roomkaas
300 g gaar lintnoedels van jou keuse
Frikkadelle: Meng ál die bestanddele vir die frikkadelle saam. Vorm klein frikkadelle en braai hulle in ’n klein bietjie olie tot goudbruin en gaar. Skep uit en hou eenkant. Sampioensous: Smelt die botter in dieselfde pan waarin die frikkadelle gebraai is. Braai die ui en sampioene daarin tot gaar. Geur met sout en peper en voeg die sjerrie en aftreksel by. Verhit tot kookpunt, verwyder van die hitte en roer die roomkaas by tot die kaas gesmelt is. Geur die sous met sout en peper. Voeg die frikkadelle by die sous en sit dit op vars gekookte lintnoedels voor. Rond af met vars kruie. Sit dadelik voor. Lewer 4 groot porsies.