Ken jy ’n tweegevreetjie?

Dié pienk-en-bruin koekies vertel die storie van verbreekte politieke beloftes. Hertzog het stemreg aan alle vroue belowe, maar Maleier-vroue het uiteindelik nie stemreg gekry nie. Hulle het aan hom ’n boodskap gestuur deur die koekies wat sy naam gedra het, te verander in ’n koekie wat hul teleurstelling en woede oor sy verbreekte belofte duidelik gemaak het: Bo-op is dit versier met twee kleure versiersuiker — die een kant bleekpienk en die ander kant bruin.