Gestoofde soetpatats

Sny 8 kleinerige, geskilde patats in dik skywe en laat dit in ’n bak met soutwater lê. Dreineer en sit die patats in ’n kastrol. Voeg ’n bietjie water by, verhit tot kookpunt en kook tot amper sag. Voeg 250 ml suiker, 2 stukke pypkaneel, ’n paar kruienaeltjies, 60 g botter en ’n skeut soetwyn by. Bedek en prut vir nog 15-20 minute stadig tot die patats glansend is. Haal die deksel af en kook verder tot die sous afgekook is. Lewer 8 porsies.

“Patatas Gestoof: Skil patatas en sny an platte skyfies, gooi in ’n kom water met sout in, was dan af en set dit mooi in lage in ’n pot of kastrol, as algar in is, strooi dan goed suiker oer, ’n paar stukke kaneel, 10 of 12 kruinagels ’n goeie lepel vet of botter en ’n glas water of wyn, laat stadig kook. Anders kook di suiker met di wyn en water en kaneel, gooi dit oer di patatas en stoof so klaar.”