Die reuk van omgee Indeks
“Nee, flip. Jy sal bietjie moet relax.” Ek sien aartsvyande Kiara en Wilma sit sy aan sy op die kombuistoonbank. Kiara se wit hasiepantoffels wat ritmies vorentoe en agtertoe swaai. Net verlede Sondagoggend nog moes Kiara in haar kas wegkruip vir Wilma. Kiara en Riaan, Wilma se ou, was die vorige aand goed gekletter en het speeksel uitgeruil. In die openbaar, reg voor Die Blou Makou.
’n Tevrede stilte heers nou in die vertrek. Ek kyk hoe Leila met haar wysvinger die laaste krummels in die bak bymekaarmaak. Vyf swart swaels in vlug is al langs haar vinger af getatoeëer.
Ek besef dat ek nie eens ’n happie gehad het nie. Met ’n glimlag. Want vir my is sien vanoggend genoeg. En skielik is ek bly oor die duiwe, die dag en my ma se onfeilbare resep.
NS: Hoewel die lepelpartytjie op die werklikheid geskoei is, is al die karakters fiktief.