Yskastert vir elke smaak
So tuis in Suid-Afrikaanse huise soos biltong en braaivleis – yskastert is immergewild.
RESEPTE Grondboontjiebotter-enAmarula-moussetert
Dit was op ’n kosprogram van die Britse sjef Nigella Lawson waar ek die eerste keer gesien het iemand span malvalekkers in om mousse te maak. ’n Slim en vinnige kortpad. Grondboontjiebotter pas by vele geure: Gemmer, gouestroop, piesang, kaneel, sjokolade, karamel en koffie . . . maar dit proe vir my die heel lekkerste saam met SuidAfrika se eie roomlikeur, Amarula.
Kors 1 pakkie (200 g) sjokoladekoekies, fyn gekrummel 100 ml gesmelte botter Knippie kaneel
Vulsel Ongeveer 4 koppies wit malvalekkers (druk die lekkers stewig in die koppie vas as jy dit afmeet) 60 ml melk 60 ml Amarula-roomlikeur 180 ml gladde grondboontjiebotter 250 ml room
Bolaag 100 g wit sjokolade 45 ml baie sterk, swart koffie (of espresso) 80 ml dik Griekse jogurt, teen kamertemperatuur
Kakao, om oor te sif
Kors: Meng die koekiekrummels, gesmelte botter en kaneel goed saam en druk dit egalig op die boom en teen die kante van ’n losboomtertpan van 22 cm vas. Verkoel tot benodig. Vulsel: Verhit die malvalekkers, melk en Amarula baie stadig oor lae hitte, terwyl aanhoudend geroer word, tot gesmelt. Verwyder van die hitte en roer die grondboontjiebotter by. Laat staan eenkant om effens af te koel. Klits die room styf en vou by die grondboontjiebottermengsel in. Skep in die tertkors en verkoel terwyl jy die bolaag maak. Bolaag: Smelt die sjokolade en koffie oor baie lae hitte (of teen 30% krag in die mikrogolf) tot glad. Roer die jogurt by en laat die mengsel afkoel tot kamertemperatuur. Verkoel verder tot dik. Skep op die vulsel en smeer tot amper teen die kante. Sif ’n klein bietjie kakao oor net voor jy die tert voorsit. Lewer 10-12 porsies.
Sitrustert
Kors 1 x 200 g klapperkoekies, fyn gekrummel 100 ml gesmelte botter
Vulsel 4 eiergele 1 x 397 g-blik kondensmelk Sap en fyngerasperde skil van 1 lemmetjie Sap en fyngerasperde skil van 1 groot suurlemoen 80 ml lemmetjiesap
Geklopte room, om voor te sit
Voorverhit die oond tot 160 °C. Meng die koekiekrummels en gesmelte botter saam. Druk die krummelmengsel op die boom en teen die kante van ’n kleinerige tertbord vas. Verkoel. Klits die eiergele, kondensmelk, lemmetjiesap en -skil, suurlemoensap en -skil en ekstra lemmetjiesap saam. Giet in die tertkors en bak vir 15 minute of tot net ferm. Haal uit die oond, laat afkoel tot kamertemperatuur en verkoel tot koud. Sit voor met geklopte room. Lewer 8-10 porsies.
Cremora-koffietert
Koffie en Cremora is mos gemaak vir mekaar! Dus het ons besluit om ’n ou gunsteling, Cremora-tert, ’n koffiegeur te gee. Ryk en lékker!
Kors 2 x 200 g-pak sjokoladebeskuitjies, fyn gedruk 200 g botter, gesmelt
Vulsel 500 g Cremora 250 ml kookwater 2 blikke (397 g elk) kondensmelk 250 ml suurlemoensap 45 ml koffielikeur (soos Kahlua of Tia Maria)
Bolaag 200 ml room 5 ml kitskoffiepoeier 200 g donker sjokolade, fyn gekap
Kakao, om oor te sif
Berei ’n krummelkors van die koekiekrummels en gesmelte botter en druk dit teen die boom van twee middelslag-tertborde of 1 groot tertbak (die grootte van ’n standaardoondpan) vas. Verkoel tot benodig. Klop die Cremora met kookwater tot alle klonte opgelos is. Laat in die yskas koud word. Klop styf met ’n elektriese klitser. In ’n ander bak, klits die kondensmelk en suurlemoensap saam tot dik en voeg dit saam met die koffielikeur by die Cremoramengsel. Klits tot glad. Giet in sjokoladekoekiekrummelkors en verkoel tot styf. Verhit die room en koffiepoeier saam tot net onder kookpunt. Voeg die gekapte sjokolade by en roer tot glad en blink. Laat afkoel tot kamertemperatuur en smeer oor ferm tert. Verkoel tot benodig en sif kakao oor net voor opdiening. Lewer 20–24 porsies (twee middelslag-terte of een baie groot tert).
Sjokoladesytert
Dié yskastert met sy sygladde sjokoladevulsel sal jou gaste laat swymel. Jy kan donker sjokolade en enige krummelkors van jou keuse gebruik. Ek het Oreo’s vir die kors en melksjokolade vir die vulsel gebruik. Die tert is ryk en soet. Jy kan ook die sjokoladekrulle uitlos of vervang met ’n lagie kakao wat jy oorsif net voor jy die tert voorsit.
Kors 1 pakkie (200 g) donker sjokoladekoekies 100 ml gesmelte botter
Vulsel 160 g sagte botter 300 ml strooisuiker 2 ml sout 10 ml vanieljegeursel 15 ml brandewyn 2 plakke (80 g elk) goeie sjokolade, gesmelt 3 ekstragroot eiers
Kakao en/of sjokoladekrulle, om af te rond
Kors: Sit die koekies in ’n voedselverwerker en pols tot krummelrig (of sit die koekies in ’n sterk plastieksak en rol dit met ’n koekroller of wynbottel fyn). Voeg die botter by en meng. Druk die krummelmengsel op die boom en teen die kante van ’n 20 cmlosboomtertbord vas. Verkoel vir ongeveer 15 minute. Vulsel: Verroom die botter en strooisuiker vir die vulsel. Voeg die sout, vanieljegeursel en brandewyn by en klits goed. Voeg die ge- smelte sjokolade bly en klits vir sowat 5 minute. Voeg die eiers een vir een by en klits goed ná elke byvoeging. Giet die vulsel in die voorbereide kors en verkoel oornag, tot stewig. Maak die tertbord se kante los, sif ’n dun lagie kakao oor en versier met sjokoladekrulle. Lewer 10 porsies.
Malva-en-kersietert
1 groot konfytrol, in skywe van 1 cm gesny 80 ml soetwyn (hanepoot of sjerrie) 2 pakkies (80 g elk) rooi jellie 250 ml kookwater 250 ml room 1 blik (380 g) yskoue ingedampte melk (volroom) 1 blik (397 g) kondensmelk 125 ml suurlemoensap 250 g rooi glanskersies, gesnipper 20 pienk malvalekkers, fyn gesnipper
Voer ’n diep middelslag-tertbord met snye rolkoek uit en sprinkel die soetwyn oor. Los die jellie in die kookwater op en roer die room by. Laat afkoel tot dit net begin verdik. Klits die ingedampte melk styf en klits die jelliemengsel by. Klits die kondensmelk en suurlemoensap in ’n afsonderlike bak tot dik en klits ook by die melkmengsel in. Laat afkoel tot dit begin verdik. Sprinkel ’n laag kersies en malvalekkers op die rolkoekskywe. Skep die helfte van die melkmengsel oor en smeer gelyk. Sprinkel weer ’n laag van die kersies en malvalekkers oor en skep die res van die melkmengsel oor. Verkoel tot gestol. Lewer 12–14 porsies.
Grenadella-kaastert
1 pakkie (200 g) klapperkoekies, fyn gedruk 100 g botter, gesmelt 30 ml koue water 15 ml gelatien 1 houer (230 g) geroomde maaskaas 1 houer (200 g) ongegeurde roomkaas Pulp van 9 grenadellas of 2 blikkies (115 g elk) grenadellapulp 30 ml kookwater 250 ml room 180 ml strooisuiker
Meng die koekiekrummels en botter en druk dit teen die boom en kante van ’n middelslagtertbord vas. Verkoel tot benodig. Giet die koue water in ’n bakkie en sprinkel die gelatien oor. Laat staan vir 5 minute. Klits intussen die maaskaas en roomkaas saam tot glad. Roer die helfte van die grenadellapulp by die kaasmengsel. Giet die kookwater oor die gelatienmengsel en roer tot opgelos en helder. Voeg by die kaasmengsel en meng goed. Klits die room en strooisuiker saam styf en vou by die kaasmengsel in. Giet die mengsel in die krummelkors. Skepteelepelsvolvandieorige grenadellapulp oor die tert en trek ’n tafelmes se lem daardeur om dit deur die kaaskoekvulsel te marmer. Verkoel tot ferm. Lewer 12–14 porsies.
Koejawelmaaskaastert
Heerlik op ’n vuurwarm dag, of jy dit nou as nagereg of met teetyd wil voorsit. Laat ’n
paar uur toe vir die tert om in die yskas te stol tot ferm.
1 pak (200 g) Tennisbeskuitjies
Vulsel 1 pakkie (80 g) suurlemoenjellie 5 ml gelatien 20 ml koue water 250 ml kookwater 1 houer (230 g) gladde maaskaas 1 blik (397 g) kondensmelk 60 ml vars suurlemoensap 1 blik (410 g) ingelegde koejawels, goed gedreineer en verpulp tot glad Room of dun skyfies koejawel, om af te rond
Smeer ’n tertbak van 30 cm x 20 cm met botter en rangskik ’n lagie Tennisbeskuitjies onderin die bak. Gooi die jelliepoeier in ’n groot mengbak. In ’n klein bakkie, sprinkel die gelatien oor die koue water en laat staan vir 5 minute tot die gelatien die water geabsorbeer het en sponserig lyk. Voeg die gesponste gelatien by die jelliepoeier en giet die kookwater oor. Roer goed tot die jellie, asook die gesponste gelatien, opgelos is. Voeg die maaskaas by en klits deur. Laat effens afkoel. Meng die kondensmelk en suurlemoensap en voeg dit by die maaskaasmengsel. Meng goed. Roer heel laaste die verpulpte koejawel by en klits deur. Laat staan die mengsel tot dit begin stol en so dik soos jogurt is. Skep dit dan versigtig op die beskuitjielaag. (As jy die vulsel op die beskuitjies skep terwyl dit nog té loperig is, sal die beskuitjies begin dryf. As dit gebeur, druk hulle sagkens met ’n lepel na onder tot die mengsel begin stol.) Verkoel die tert vir minstens 4-5 uur of oornag, tot goed ferm. Krummel ’n paar van die orige Tennisbeskuitjies fyn oor en verkoel verder tot jy die tert wil bedien. Rond die tert af met geklopte room, indien verkies, of versier dit met dun skyfies koejawel. Lewer 8-10 porsies. Kors 1 pakkie (200 g) klapperkoekies, fyn gedruk 50 ml botter, gesmelt 45 ml kondensmelk
Vulsel 500 ml melk 15 ml botter 60 ml vlapoeier 45 ml suiker Knippie sout
Bolaag 1 blik (397 g) kondensmelk 100 ml suurlemoensap 1 blikkie grenadellapulp (opsioneel)
Meng ál die bestanddele vir die kors saam en druk dit op die bodem van ’n gesmeerde tertbord van 30 cm x 20 cm vas. Verkoel tot benodig. Verhit 400 ml van die melk en die botter saam tot net onder kookpunt. Meng intussen die vlapoeier, suiker en die res van die melk saam tot ’n pasta vorm. Voeg van die warm melk by die vlapasta en roer tot goed gemeng. Gooi alles terug in die kastrol en verhit oor lae hitte, terwyl geroer word, tot kookpunt. Laat prut liggies tot verdik en gaar. Giet die warm vla op die krummelkors. Laat afkoel tot gestol. Klits die kondensmelk, suurlemoensap en grenadellapulp (indien gebruik) saam en laat staan eenkant. As die vla heeltemal koud is, skep die kondensmelkmengsel oor en maak gelyk. Verkoel tot benodig. Lewer 10 porsies. Dié tert is ’n voorbeeld van “krimpeleenkos”, daardie gier wat ons getref het toe alles met pakkies en poeiers gemaak is. Maar hierdie resep is regtig lekker.
Kors 1 pak (200 g) karamelbeskuitjies (ek het Nuttikrust gebruik), fyn gekrummel 100 ml gesmelte botter
Vulsel 1 liter vanieljeroomys 250 ml volroommelk 2 pakkies (125 g elk) vanieljegeur kitspoedingpoeier
Meng die koekiekrummels en botter goed saam en druk dit in ’n tertbord van 30 cm vas. Sit in die yskas. Maak die roomys met ’n houtlepel sag en klits die melk en kitspoedingpoeier by tot goed gemeng. Giet in die voorbereide kors en verkoel oornag. Lewer 12 porsies.