KOMBUISWENK

Maak vinnig kruiekomkommerpiekel: Sny 5 klein komkommers in dun skyfies en pak dit in gesteriliseerde

glasflesse. Verhit 750 ml wit druiweasyn, 500 ml suiker, 12 ml growwe sout, 2 vars lourierblare, 5 ml elk dillesaad, gemengde droë kruie, mosterdsaad en swart peperkorrels in ’n kastrol tot die suiker gesmelt is. Verhit tot kookpunt en laat kook vinnig vir 1 minuut. Giet die vloeistof oor die komkommers in die flesse. Verseël en laat afkoel. Laat staan vir minstens 3 dae voor jy die piekel gebruik. Lewer 750 ml piekel.