Gekruide vlakvarklende met knoffelbottersous
45 ml gekapte, vars pietersielie 15 ml gekapte, vars roosmaryn 15 ml gekapte, vars tiemieblaartjies Fyngerasperde skil van ’n halwe suurlemoen 1 vlakvarklende, sonder been Sout en varsgemaalde swartpeper 45 ml botter 3 knoffelhuisies, fyngekap Sap van 1 suurlemoen Room
Meng die gekapte kruie en suurlemoenskil en skep dit op ’n vleisbord. Rol die lende daarin sodat ’n kruielagie dit heeltemal be
dek. Sny die lende in twee tot drie stukke wat gemaklik in ’n pan sal pas. Geur goed met sout en peper. Verhit die botter en knoffel in ’n pan en braai die lende in die knoffelbotter oor matige hitte tot net-net gaar. Verwyder van die hitte. Sny die lende in dun skyfies. Sit die pan met knoffelbotter terug op die hitte en voeg die suurlemoensap by. Verhit tot kookpunt en voeg ’n bietjie room by. Laat opkook en skep die vleis terug in die sous. Prut vir ’n paar sekondes en sit warm op kapokaartappel voor. Lewer 4 porsies.
Heelskenkelpasteie Skenkels
4 heel springbokskenkels Sout en varsgemaalde swartpeper Olie, vir braai 8 wonderpeperkorrels 15 ml heel swartpeperkorrels 20 ml gemaalde koljander 125 ml elk soet sjerrie en rooiwyn 45 ml balsamiese asyn 375 ml vleisaftreksel
Sous
2 uie, gekap 30 ml olie 125 g spekvleis, fyngesnipper 3 knoffelhuisies, fyngekap 30 ml koekmeel 625 ml kookvloeistof uit die skenkelbak (sien metode) Sout, varsgemaalde swartpeper en ’n paar druppels heuning na smaak
Kors
125 ml elk melk en olie 1 eier 180 ml koekmeel 10 ml bakpoeier 2 ml sout
Geur die skenkels goed met sout en peper. Braai dit in ’n bietjie olie in ’n vuurvaste swaarboompot (waarin ál vier skenkels gemaklik in ’n enkellaag pas) tot bruin. Voeg die wonderpeperkorrels, swartpeperkorrels en koljander by. Braai vir ’n paar sekondes tot geurig. Voeg die sjerrie, rooiwyn, balsamiese asyn en aftreksel by en verhit tot kookpunt. Prut vir 30 minute. Voorverhit intussen die oond tot 180 °C. Bedek die pot deeglik en sit in die oond vir sowat 2 uur of tot die skenkels sag is. Haal uit die oond, skep die skenkels uit die sous en hou eenkant. Gooi die sous waarin die skenkels gebak het deur ’n sif in ’n maatbeker. Jy het 625 ml vloeistof nodig. As dit te min is, vul die vloeistof tot 625 ml aan met kookwater of ekstra vleisaftreksel. Vir die sous: Braai die uie in die olie tot goudbruin. Voeg die spekvleis en knoffel by en braai totdat die spek gaar is. Sprinkel die koekmeel oor en verhit, terwyl jy roer, tot dit begin borrel. Voeg die kookvloeistof by en verhit, terwyl jy roer, tot kookpunt. Prut liggies vir ongeveer 5 minute. Geur na smaak met sout, peper en ’n paar druppels heuning.
Laat staan die skenkels regop in individuele bakkies. (As die skenkels baie groot is, sny die vleis wat bo die bakkies se rante uitsteek teen die skenkelbeen af, sny dit fyn en skep dit teen die kante van die skenkels in.) Skep van die spek-en-uiesous om tot die bakkies ongeveer driekwart vol is. Laat dit nou afkoel tot kamertemperatuur.
Voorverhit die oond tot 180 °C. Klits die melk, olie en eier vir die kors goed saam. Meng die droë bestanddele in ’n ander bak en voeg die eiermengsel by. Roer tot glad en verdeel tussen die vier bakkies. Skep dit oor die skenkel (om die been) en sous. Bak vir 30-40 minute tot die kors goudbruin en uitgerys en die vulsel regdeur warm is. Sit dadelik voor – net so of met gestoofde vrugte, groente of slaai van jou keuse. Lewer 4 porsies.
Boontjiesop met springbokskenkel
500 g droëbone, oornag in koue water geweek 3 liter kookwater 1 kg springbokskenkel, in stukkies gesaag Sout en varsgemaalde swartpeper 45 ml olie 2 groot uie, gekap 10 ml fyngekapte, vars knoffel 45 ml tamatiepasta 2 liter beesvleisaftreksel 125 ml suurroom 60 ml gekapte, vars pietersielie
Dreineer die geweekte bone en sit dit in ’n kastrol saam met die kookwater. Verhit tot kookpunt en laat prut tot die bone sag is. Geur die vleis goed met sout en peper. Verhit die olie in ’n groot kastrol en braai die vleis in lotte daarin bruin. Voeg die uie by en braai tot die uie sag is. Voeg die knoffel en tamatiepasta by en braai vir sowat 5 minute tot die tamatiepasta goed gebraai is. Voeg die aftreksel by en verhit tot kookpunt. Laat prut vir 2-3 uur of tot die vleis sag is en van die bene af val. Verwyder die bene en sny die vleis fyner. Voeg die boontjies, in die water waarin dit gekook is, by die vleismengsel. Voeg nog ’n bietjie aftreksel by as die sop te dik is. Geur na smaak met sout en peper. Kook die sop deur vir sowat 30 minute. Roer ’n paar lepels suurroom deur en rond af met gekapte, vars pietersielie. Lewer 8 porsies.