DIÉ BOEK WIL MY LAAT FEES VIER!
Môre-môre uit Marken, van die plaas Kudu’s Ruhe in die Sandveld! Een maal per week neem ek die kinders skool toe en kom dan by ’n winkel uit.
Dankie vir uitgawe 15 wat reg gelê het vir my mandjie. Jul verskeidenheid watertand-, dog kostedoeltreffende resepte pas in by my hartsbegeerte om fees te vier... sommer oor ons 400 mm reën gekry het.
En ek wil piekniek hou. Waar? Tussen die lang smutsvingerweidinggras waar koedoe en kameelperd ook die geure van ons piekniekkos kan kry. Soos Ouma se vleisbeskuit (waaroor Ambelene Freemantle op bl. 6 skryf) — die mooies wat niks sous lek nie — met die ekstra verrassing van ’n braaistukkie elandsvleis binne-in toegemaak.
Dan maak julle my weer opgewonde oor ’n teepartytjie op ons stoep. Met die lagiesvlakoek op bl. 176 het julle laat ek my ma se Royal Albert-teestel uithaal. Ons boereverenigingvroue kon soos wafferse ladies ons pinkies lig en klets!
Dankie vir jul vars feesidees. Julle maak die kombuis ’n lushof. ELRIZA KOEN
MARKEN