BAIE GELUK EN DANKIE

Eerstens wil ek van die geleentheid gebruik maak om Landbouweekblad geluk te wens met sy 100ste verjaardag. Mag daar nog vele jare se publikasies wees waarna ons kan uitsien.

Landbou Boerekos Somer 2019-’20 is werklik ’n nuttige uitgawe om te hê met resepte vir spesiale geleenthede om van te kies en keur. Dit het resepte vir ontbyt, soet- en southappies, sop, vis en ander vleisgeregte, pasta, bykosse, drankies, inmaak, souse en smere, gebak en nageregte, asook vegetaries, groente en slaaie.

Die artikel “100 jaar saam in die kombuis” neem jou darem ver in die verlede terug met ou, geel bladsye, rate, resepte en ou voorblaaie.

Baie dankie, Landbouweekblad. Doen so voort.

ANNA BURGER

BRIEF PER E-POS