DIE CONTAINER
Die Container is amper soos ’n klein supermarkie, want hier kan jy feitlik alles koop – van kerrievetkoeke en vleis vir die braai tot noedelslaai en speelgoed vir die kinders. En wanneer laas het jy ’n blikbroodjie gesien – hier sal jy ’n varsgebakte een kry.
Nog ’n heerlike, gerieflike opsie is klaarbereide maaltye (lasagne, tunapasta, herderspastei en macaronien-kaas) wat jy by die huis net in die oond kan druk. Daar is ook ’n groot verskeidenheid ingelegde produkte, konfyt, kleinkoekies en beskuit.
Die gewildheid van dié padstal is nie te betwyfel nie. Dit het destyds in ’n vraghouer (vandaar die naam) begin, maar is onlangs weer uitgebrei om plek te maak vir nóg lekkernye. KONTAKBESONDERHEDE: R43-pad. Bel 023 355 1642.