DIE EIKE
Dié restaurant is ’n koel oase onder lowergroen eikebome net waar die Slanghoekvallei begin. Die Eike het die reputasie dat hy die beste melkskommels in dié geweste maak.
Dit is heerlik dik met geen tekort aan geur nie, en beslis enige suikertand se droom.
Ons beveel die Death by Chocolate aan, wat met drie soorte sjokolade beslis sy naam gestand doen.
Die res van die spyskaart spog met ’n verskeidenheid burgers, pizzas, braaigeregte soos steak en calamari en geroosterde toebroodjies. Maar dis beslis die melkskommels wat koning kraai!
KONTAKBESONDERHEDE: Hoek van Slanghoekpad en Goudiniweg. Bel 074 501 3462.