Wynjellie met grenadella
30 ml gelatien
300 ml elk grenadellasap en Stofberg Wines Sauvignon Blanc Semillon (of ander witwyn) 80 ml suiker
180 g Hanepootdruiwe, geskil en ontpit
110g vars grenadellapulp
Sprinkel die gelatien oor 60 ml van die grenadellasap en laat staan 5 minute. Meng die wyn, suiker en res van die sap goed. Smelt die gelatien in die mikrogolf tot helder en voeg by die wynmengsel. Verdeel die Hanepoot en die grenadellapulp tussen 6 glase. Bedek die vrugte met ’n bietjie van die wynmengsel en laat stol. Giet die res van die mengsel oor en laat stol. Sit voor met Griekse jogurt. Lewer 6 porsies.