Aspersies en groenbone met hollandaisesous
Ivy gebruik graag ’n mengsel van aspersies en groenbone hiervoor, maar as aspersies nie in seisoen is nie, kan jy die groenbone op sy eie gebruik, soos op die foto.
350 g vars aspersies
250 g jong groenbone, stingelpunte afgesny Water en sout
Hollandaisesous
3 eiergele, teen kamertemperatuur 30 ml water
175 g sagte botter, in blokkies gesny 45 ml vars suurlemoensap
Sout en witpeper na smaak Geroosterde amandelvlokkies om oor te sprinkel (opsioneel)
Blansjeer die aspersies en groenbone in kookwater met ’ n bietjie sout. Dreineer goed en dompel in yswater. Hollandaisesous: Sit ’n glasbak oor ’n potjie met water – die water moenie aan die boom van die glasbak raak nie. Klits die eiergele en water goed saam. Giet in die glasbak en verhit tot kookpunt. Terwyl die water warm word, klits die eiergele en water met ’n draadklitser tot skuimerig. Sodra die water begin kook, verlaag die hitte sodat dit baie stadig prut en hou aan om die eiergele en water te klits tot dit liggeel is en in volume verdubbel het. Voeg nou die botter blokkie vir blokkie by, terwyl jy aanhoudend klits. Voeg eers die volgende blokkie botter by sodra die vorige een ingesmelt het. Hou die hitte laag, anders kan die sous skif. Sodra ál die botter bygevoeg is, haal die glasbak van die potjie af en voeg die