Pannekoek
3 eiers
875 ml water
625 ml koekmeel 5 ml sout
8 ml bakpoeier
8 ml suurlemoensap 5 ml brandewyn
125 ml olie
Klits die eiers en water saam. Meng die meel, sout en bakpoeier saam. Voeg die eiermengsel by die meelmengsel en klits goed. Laat staan die beslag vir minstens 2 uur voor jy begin bak. Voeg die suurlemoensap, brandewyn en 60 ml van die olie by die beslag en meng goed deur. Gebruik die orige olie om mee te bak. Lewer 15 pannekoeke.