Roosterkoek
Annelise-hulle se roosterkoeke is immergewild. Na gelang van die geleentheid maak hulle groot of klein roosterkoeke.
2,5 kg koekmeel
1 pakkie (15 g) kitsgis 75 g margarien of botter 15 ml sout
1,5 liter louwarm water
Meng die droë bestanddele en margarien of botter in ’n mengbak en voeg die water by. Maak aan tot ’n deeg vorm en knie die deeg baie goed tot glad en elasties. Bedek die bak met die deeg losweg en laat staan op ’n warm plek tot die deeg verdubbel het in volume. Knie die deeg af en vorm ewe groot bolle deeg. Laat die roosterkoeke weer ’n bietjie uitrys.
Braai die roosterkoeke stadig oor kole wat nie té warm is nie en draai gereeld om. Sit voor met plaasbotter en enige vulsel van jou keuse. Lewer 25 ongeveer roosterkoeke, na gelang van die grootte.