Outydse speserykoekies
850 ml koekmeelbom
3 ml elk kremetart, koeksoda en sout
3 ml fyn naeltjies
7,5 ml elk fyn gemmer en kaneel
230 g yskoue botter of margarien, in klein blokkies gesny
310 ml suiker
2 ekstragroot eiers, geklits
15 ml brandewyn
Sif die meel en speserye goed saam. Vryf die botter met jou vingerpunte by die meelmengsel in tot frummelrig. Voeg die suiker by en roer deur. Meng die geklitste eiers en brandewyn en voeg by die meelmengsel. Meng tot ’n stywe deeg vorm. Bedek en laat die deeg ’n uur of wat rus. (In die somer, bedek lugdig en verkoel vir ’n uur. Haal die deeg uit die yskas ’n rukkie voor jy wil begin bak.) Voorverhit die oond tot 180 °C en voer ’n paar bakplate met bakpapier uit. Spuit liggies met kleefwerende kossproei. Rol die deeg dun uit (sowat 3 mm) op ’n meelbestrooide oppervlak. Druk vormpies uit en pak die koekies op die voorbereide bakplate. Bak vir sowat 10-15 minute tot liggoudbruin. Lig versigtig van die bakplate af op draadrakke en laat afkoel tot kamertemperatuur. Lewer 5 dosyn koekies, na gelang van die grootte.
2 ml sout
180 ml geelsuiker
170 sagte botter of margarien
100 g louwarm gouestroop
5 ml koeksoda
80 ml sterk, swart koffie, afgekoel tot kamertemperatuur
5 ml vanieljegeursel
Vulsel
115 g botter of margarien 75 ml melk
200 g witsuiker
25 ml water
25 ml kitskoffiepoeier
Meng die meel, sout en geelsuiker in ’n groot bak. Meng die sagte botter en louwarm gouestroop goed saam en voeg by die meelmengsel. Meng goed. Maak die koeksoda met die koffie aan en voeg dit ook by saam met die vanieljegeursel. Maak aan tot ’n deeg vorm, bedek en laat oornag staan.
Voorverhit die oond tot 180 °C en voer ’n paar bakplate met bakpapier uit. Spuit liggies met kleefwerende kossproei. Sit die deeg in ’n koekiebuis met ’n blompunt en druk koekies op die bakplate uit. Bak vir 10 minute tot goudbruin. Lig die koekies versigtig van die bakplate af en laat op draadrakke afkoel.
Vulsel: Verhit die bestanddele saam in ’n kastrol, terwyl aanhoudend geroer word, tot kookpunt. Prut tot gekaramelliseer en verdik. Laat afkoel en smeer tussen die koekies. Lewer 7 dosyn gevulde koekies, na gelang van die grootte.