Brandrissie-sjokoladekoekies

Hierdie resep het Annelise spesiaal vir die Innibosfees in Nelspruit ontwikkel. Die fees se tema was Vuurwarmrooi. Dis ’n duur koekie (sy gebruik Lindt-sjokolade daarvoor), maar báie lekker.

225 g sagte botter

125 ml strooisuiker

250 ml klam bruinsuiker

10 ml vanieljegeursel

2 eiers, geklits

300 g koekmeel

50 g kakao

5 ml bakpoeier

Knippie sout

5 ml rooipeper

100 g donker brandrissiesjokolade, fyngekap 100 g witsjokolade, fyngekap

100 g donkersjokolade, fyngekap

Verroom die botter, strooisuiker en bruinsuiker goed saam. Voeg die vanieljegeursel en eiers by en klits goed. Sif die meel, kakao, bakpoeier, sout en rooipeper in ’n groot mengbak. Voeg die bottermengsel daarby, meng goed en vou dan die drie soorte sjokolade in. Verkoel die deeg tot die ferm genoeg is om in bolletjies te rol. Voorverhit die oond tot 180 °C en voer ’n paar bakplate met bakpapier uit. Spuit liggies met kleefwerende kossproei. Pak

baksteenpaadjie na haar huis staan nie verniet bekend as die “koekie- highway” nie. Tannie Lenie Naudé se koekblikke is immers altyd propvol tuisgebakte koekies. Elkeen van haar kinders, kleinkinders en selfs agterkleinkinders sal hul gunsteling daar vind: vlakoekies, Romany Creams, gemmerkoekies, noem maar op.

Om nie te praat van die klam sjokoladekoek en lemoenkoek waarmee sy hulle gereeld bederf nie.

“Ek sê altyd ek is nie ’n geld-ouma nie, ek is ’n koekie- en beskuit-ouma. Eintlik is ek nie meer Ouma nie, maar Oumie, want ek het al elf agterkleinkinders.”

Tannie Lenie het verlede jaar haar negentigste verjaardag gevier – dieselfde jaar waarin Onderplaas al honderd jaar in die Naudé-familie se besit is. Dit was dubbele rede vir die Naudés om behoorlik fees te vier.

“Ek woon al 67 jaar op die plaas, maar ek het ál vyf die Naudé-eienaars geken.”

Tannie Lenie is die spreekwoordelike voorslag-boervrou, iemand wie se hande vir niks verkeerd staan nie. Van naaldwerk tot konfyt kook is ’n alledaagsheid in haar huis.

G’n wonder nie haar skoondogter Olive Naudé sê: “Ouma is so knap, as ons iets gedoen wil hê, doen sy dit gewoonlik. Ek kan net dankbaar wees ek woon so naby aan haar! Sy het al geskimp wie die

werk by haar gaan oorneem, maar daar was nog nie vrywilligers nie!”

As ’n rok verstel moet word, of die konfyt is min, gaan klop die familie aan ouma Lenie se deur. En niemand gaan ooit op vakansie sonder dat sy ’n voorraad beskuit saamgee nie.

“Ek kook baie appelkooskonfyt, want ons boer met appelkose. Ek het nou die dag ook groenvye gekook, druiwekonfyt, selfs grenadella… Dis alles van die plaas af. Ek het nog nooit in my lewe blatjang gekoop nie, want ek maak my eie met die plaas se appelkose.”

Tannie Lenie se resepte kom al geslagte lank aan – baie daarvan het sy aan moedersknie geleer.

“Ek het nooit ’n Kook & Geniet- resep