Gekruide bokmelkkaas
Ongeveer 375 ml ekstrasuiwer olyfolie 2 rolletjies (100 g elk) sagte bokmelkkaas, in skyfies van net dunner as 1 cm gesny
Groot hand vol vars dilletakkies en basiliekruidblare
Droë rissievlokkies na smaak
Seesoutvlokkies en varsgemaalde peperkorrels na smaak
Drup ’n dun lagie olyfolie op die bodem van ’n geskikte houer. Pak die skyfies bokmelkkaas in ’n enkellaag op die lagie olie. Kap die dille fyn. Rol die basiliekruidblare styf op en sny in baie dun repies. Sprinkel die kruie egalig oor die kaas en geur na smaak met rissievlokkies, sout en peper. Giet die res van die olyfolie oor.
Bedek lugdig en verkoel tot benodig, maar haal die kaas ’n ruk voor ete uit die yskas sodat dit teen kamertempratuur voorgesit kan word. Lewer 8 porsies.