Geroosterde olywe en druiwe met gekruide bokmelkkaas en tiemie

150 ml olyfolie

250 g pitlose rooidruiwe

250 g ontpitte, swart olywe

250 g vars tiemie

Kruiesout en varsgemaalde swartpeper Vars oreganum, om oor te sprinkel

Voorverhit die oond tot 180 °C. Plaas die olyfolie, druiwe, olywe en tiemie op ’n groot bakplaat. Meng met jou hande en geur goed met kruiesout en varsgemaalde swartpeper. Bak vir ongeveer 20 minute tot die druiwe begin oopbars. Draai die mengsel elke 10 minute om. Haal uit die oond en laat staan vir 5 minute. Sprinkel vars oreganum oor en sit louwarm voor.

Smeer die gekruide bokmelkkaas (sien resep hiernaas) op varsgebakte brood en sit dan die olyf-en-druiwemengsel bo-op. Lewer 8 porsies.