Grenadella-ysies
Pulp van 10 ryp grenadellas
250 ml suiker
500 ml water
Sap en fyngerasperde skil van 2 suurlemoene
Plaas ál die bestanddele in ’n middelslagkastrol. Verhit tot kookpunt en laat stadig prut vir 5 minute. Laat afkoel. Sit die mengsel in ’n voedselverwerker en pols vir 2 minute. Syg deur ’n sif om van die pitjies ontslae te raak. Giet mengsel in ysievorms en vries tot halfbevrore. Steek ’n stokkie in elke ysie en vries verder tot hard. Lewer ongeveer 12 ysies.