Kirabo-rooiwynkoek
375 ml bruismeel 180 ml kakao
5 ml bakpoeier
2 ml sout
230 g sagte botter 250 ml witsuiker 250 ml bruinsuiker 2 ekstragroot eiers 10 ml vanieljegeursel 310 ml rooiwyn
Versiersel
250 ml sjokoladesplinters of gekapte melk- of donkersjokolade
50 g botter
Ongeveer 60 ml rooiwyn
Voorverhit die oond tot 180 °C en smeer ’n middelslag-ringkoekpan goed of bespuit met kleefwerende kossproei.
Beslag: Sif die bruismeel, kakao, bakpoeier en sout in ’n groot mengbak. Verroom die botter en twee soorte suiker goed saam in ’n ander bak. Voeg die eiers een vir een by en klits goed ná elke byvoeging. Voeg die vanieljegeursel en rooiwyn by en meng goed. Voeg die rooiwynmengsel by die droë bestanddele en meng tot glad. Giet in die voorbereide pan en bak vir ongeveer 40 minute, of tot ’n toetspen skoon uit die hoogste deel van die koek kom. Versiersel: Smelt die sjokoladesplinters (of gekapte sjokolade) en botter saam tot glad. Voeg die rooiwyn by die warm sjokoladesous, roer goed deur en giet die sous oor die afgekoelde koek.
Lewer 1 middelslag-koek.