Patattert met pekanneute
750 ml fyngemaakte patat (gebruik ’n handklitser om dit eweredig fyn te maak) 2 eiers
125 ml suiker
60 ml room
50 g sagte botter
10 ml vanieljegeursel
Knippie sout
Bolaag
125 ml bruinsuiker
30 ml koekmeel
50 g koue botter, in blokkies gesny 125 ml gekapte pekanneute
Voorverhit die oond tot 180 °C en smeer ’n middelslag-oondbak met botter. Meng die patatpuree, eiers, suiker, room, botter, vanieljegeursel en sout saam in ’n groot mengbak. Klop tot lig en donsig, skep in die gesmeerde oondbak en maak gelyk bo-op.
Vir die bolaag, meng die bruinsuiker en koekmeel. Voeg die koue botterblokkies by en sny die botter met ’n mes in tot die mengsel krummelrig is. Vou die pekanneute in en sprinkel oor die patatmengsel. Bak die tert vir 30-35 minute tot goudbruin en ferm. Lewer 8-10 porsies.