Dekadente steaksous

250 ml hoenderaftreksel

250 ml witwyn

30 ml brandewyn

45 ml Miss J.L.Hall’s-worcestersous 200 ml dik room

15 ml sagte groen peperkorrels

Verhit die aftreksel, witwyn en brandewyn in ’n kastrol tot kookpunt en kook af tot daar ongeveer 250 ml oor is. Terwyl die sous prut, verhit die worcestersous in ’n groot pan tot kookpunt en prut tot gekaramelliseer (sowat 2 minute). Voeg die afgekookte aftrekselmengsel by die worcestersous in die pan en verhit, terwyl geroer word, tot kookpunt. Voeg die room en peperkorrels by en verhit weer tot kookpunt. Prut tot die sous effens verdik. Sit voor saam met jou gunstelinggebraaide steak en skyfies.

Lewer ongeveer 400 ml sous.