Appel-karamelkoek

Die geure in hierdie koek is onverbeterlik. Die perfekte bederf vir ’n herfsdag. As daar ’n paar appels in jou vrugtebak is wat nie meer so vars is nie, maak appel

puree daarvan. Dit sorg vir heerlike geur en klamheid in gebak.

Beslag

4-5 appels, geskil, ontkern en in stukke gesny Kaneelstok

Skeut vars appelsap

100 g botter

180 ml ligbruinsuiker

2 eiers, geklits

500 ml koekmeel

5 ml bakpoeier

3 ml koeksoda

5 ml fyn kaneel

2 ml sout

Vulsel en versiersel

1 blik (380 g) karamelkondensmelk 375 ml vanieljebotterversiersel

Sit die appels in ’n kastrol saam met die kaneelstok, ’n skeut appelsap en ’n bietjie water. Verhit tot kookpunt, bedek die kastrol en stoom die appels tot baie sag. Verwyder die kaneelstok en dreineer. Skep die appelstukke terug in die kastrol en druk dit goed fyn met ’n aartappeldrukker. Meet 250 ml van die appelpuree af vir die koek en laat dit eenkant afkoel.

Voorverhit die oond tot 180 °C en smeer ’n koekpan van 22 cm met olie of bespuit met kleefwerende kossproei. Voer uit met bakpapier en smeer of spuit weer.

Verhit die botter oor matige hitte in ’n pan tot dit borrel en kantel die pan tot die botter ’n neuterige geur en ligbruin kleur het. Voeg die bruinbotter by die appelpuree en meng goed. Voeg die suiker en eiers by en klits deur. Sif die droë bestanddele saam in ’n mengbak en voeg die appelsousmengsel hierby. Meng tot ’n gladde, dik beslag.

Skep die beslag in die voorbereide pan en smeer gelyk. Bak die koek vir sowat 35 minute, tot ’n toetspen skoon uit die hoogste deel van die koek kom. Haal die koek uit die oond en laat afkoel tot louwarm in die pan. Gebruik die steel van ’n houtlepel en druk gaatjies in die koek daarmee.

Klits die karamelkondensmelk tot glad en smeer dit egalig oor die koek (maak seker dit loop in die gaatjies in wat jy met die lepelsteel gemaak het). Laat die koek heeltemal afkoel. Smeer ’n lagie vanieljebotterversiersel oor die karamel en gebruik ’n vurk of lepel om die karamel en botterversiersel effens te marmer. Sit die koek voor met koffie of tee. Lewer 12-14 porsies. 2 appels, geskil, ontkern en grofgerasper

180 ml gerasperde cheddarkaas

Sout en varsgemaalde swartpeper na smaak

Voorverhit die oond tot 180 °C en smeer ’n middelslag-oondbak liggies met olie. Braai die gekapte ui en gerasperde appel in die olyfolie tot sag. Voeg die sout en speserye by en braai tot geurig. Voeg die maalvleis by en braai tot gaar. Voeg die water, asyn, blatjang en appelkooskonfyt by en prut stadig tot afgekook en geurig. Skep die vleismengsel in die oondbak.

Meng die bestanddele vir die bolaag goed en skep op die vleislaag. Bak vir 30 minute tot goudbruin en deurwarm. Sit voor met ’n slaai of twee. Lewer 6-8 porsies.