Geroosterde botterskorsie met groenbone, feta en bloubessiesous
Hierdie lekker en kleurryke gereg smaak vorentoe saam met hoender, lamsvleis of beesvleis.
2 klein botterskorsies, met skil en pitte aan en in dun wiggies gesny
45 ml olyfolie
Sout en varsgemaalde swartpeper
Paar druppels heuning
Hand vol jong groenbone, gaar gestoom 2 wiele fetakaas, grofgebreek
250 ml roket of slaaiblare van jou keuse Hand vol vars bloubessies
Slaaisous
250 ml vars of bevrore bloubessies 15 ml suiker of heuning
60 ml witasyn
Voorverhit die oond tot 190 °C. Drup ’n bietjie olyfolie in ’n oondbak en pak die botterskorsiewiggies daarin. Drup die res van die olie oor die botterskorsie en geur met sout en peper en ’n paar druppels heuning. Oondrooster vir ongeveer 35 minute, of tot die botterskorsie sag en gaar is en die puntjies begin karamelliseer.
Voeg die gestoomde groenbone by en skud die oondbak om alles te meng. Sit die bak terug in die oond en laat die groenbone net liggies warm word saam met die botterskorsie. Haal uit die oond en laat effens afkoel.
Rangskik die botterskorsiewiggies, groenbone en fetakaas op ’n bed van roket of slaai