Tamatiekerriehoender met spekvleis

Hierdie hoendergereg word in die heerlikste sous gebak.

8 hoenderstukke

45 ml olie

2 uie, in wiggies gesny

3 knoffelhuisies, fyngekap

10 ml matige kerriepoeier

5 ml komyn

5 ml paprika

3 ml borrie

1 pak (250 g) spekvleis, grofgekap

2 blikke (410 g elk) gekapte tamaties

Water

Sout, varsgemaalde swartpeper en heuning na smaak

Vars koljanderblare, om af te rond

Braai die hoender in die olie in ’ n pan tot goudbruin. Skep die hoender uit in ’n oondbak. Braai die uie, knoffel, kerrie

poeier, komyn, paprika en borrie in dieselfde pan tot die uie sag is. Voeg die spek by en braai tot net-net gaar. Voeg nou die tamaties by. Maak die een tamatieblik vol water en voeg dit ook by. Verhit tot kookpunt en geur die sous na smaak met sout, peper en heuning. Giet die sous oor hoenderstukke, bedek met foelie en bak vir 30-35 minute. Haal die foelie af en bak ’n verdere 30 minute lank tot die hoender baie sag en die sous dik en geurig is. Sprinkel vars koljander oor en sit voor op rys. Lewer 4-6 porsies