Romerige broccolihoender met sesamsaad
Olie, vir smeer en braai
8 hoenderstukke
Sout en varsgemaalde swartpeper na smaak 250 ml vars room
2 knoffelhuisies, fyngedruk
15 ml heelkorrelmosterd
5 ml heuning
2 groot hande vol broccolistukkies
30 ml geroosterde sesamsaad
Voorverhit die oond tot 180 °C en smeer ’n oondbak met olie. Geur die hoenderstukke goed met sout en peper. Braai die hoenderstukke in ’n bietjie olie in ’n pan bruin en skep die hoenderstukke (met velkant na bo) in ’n groot oondbak. Meng die room, knoffel, mosterd en heuning goed saam. Rangskik die broccolistukkies tussen die hoenderstukke en giet die roommengsel egalig oor alles. Bedek die oondbak met foelie en bak vir 30 minute. Haal die foelie af en bak vir ’n verdere 30 minute tot goudbruin en geurig. Sit voor op rys. Lewer 4 porsies.