Kiwi-en-pynappelkonfyt

300 g ryp , vars pynappel, fyngekap

250 g geel kiwivrugte, geskil en fyngekap Sap van suurlemoen

250 ml suiker

Sit al die bestanddele in ’n groot kastrol en roer tot die suiker opgelos is. Verhit tot kookpunt en prut tot die konfyt setpunt bereik. Roer elke nou en dan om te keer dat die konfyt aanbrand. Skep in gesteriliseerde flesse en verseël.

Lewer 3 standaardflesse konfyt.

Kiwi-caprese

Die klassieke Italiaanse slaai wat met ryp tamatie, mozzarella en basiliekruid gemaak word, trek ’n nuwe baadjie aan. Kiwi en basiliekruid pas goed saam. As jy wil, voeg ’n paar skyfies avokado ook by.

Slaai

5 geel of groen kiwivrugte, geskil en in skyfies gesny

200 g sagte mozzarella, dungesny Sout en varsgemaalde swartpeper ’n Hand vol vars basiliekruidblare

Kiwi-vinaigrette

3 ryp kiwivrugte, geskil en gesnipper 15 ml heuning 60 ml olyfolie

30 ml appelasyn

Sout en varsgemaalde swartpeper na smaak

Rangskik die skyfies kiwivrug, mozzarella (goed gegeur met sout en peper) en vars basiliekruidblare afwisselend op borde. Hou ’n paar basiliekruidblare eenkant en voeg dit by die vinaigrettebestanddele. Verwerk al die bestanddele, behalwe die sout en peper, vir die kiwivinaigrette saam tot glad. Geur na smaak met sout en peper. Drup die slaaisous oor die slaai net voor jy dit voorsit. Lewer 2 porsies.