Onderstebo nektarienspeserykoek

Gesmelte botter, vir smeer

3 nektariens, ontpit en in wiggies gesny 195 ml strooisuiker

460 ml bruismeel

3 ml gemengde speserye

3 ml kaneel

3 ml bakpoeier

150 g botter, gesmelt

125 ml heuning

3 ekstragroot eiers

125 ml karringmelk

Voorverhit die oond tot 180 °C. Voer ’n losboomkoekpan van 22 cm met bakpapier uit en smeer die boom met gesmelte botter. Rangskik die nektarienwiggies in ’n mooi patroon op die papier en sprinkel 15 ml van die strooisuiker oor.

Sif die res van die strooisuiker saam met die bruismeel, gemengde speserye, kaneel en bakpoeier in ’n mengbak. Klits die gesmelte botter, heuning, eiers en karringmelk goed en voeg by die droë bestanddele. Meng tot ’n dik beslag vorm. Skep die beslag op die nektarienwiggies en smeer versigtig glad. Bak vir 55-65 minute tot deurgaar. Laat vir ’n paar minute in die pan afkoel, keer die pan op ’n draadrak en maak die klamp los. Verwyder die ring en basis van die pan en trek die bakpapier versigtig van die nektarienlaag af. Sit voor met geklopte room. Lewer 12 porsies.