Vinnige nektarientert

Met ’n rol blaardeeg en ’n paar ryp nektariens kan jy blitsig nagereg maak.

1 rol (300 g) reg-om-te-gebruik-blaardeeg

125 ml roomkaas

15 ml versiersuiker

Knippie kaneel

5-6 nektariens, ontpit en in dun wiggies gesny Versiersuiker, om oor te sif

Voorverhit die oond tot 200 °C en voer ’n bakplaat met bakpapier uit. Spuit die bakpapier met kleefwerende kossproei. Rol die deeg op ’n meelbestrooide oppervlak oop. Met ’n skerp mes, maak ’n vlak insnyding reg rondom die deeg sodat dit ’n rant van 1 cm om die kante van die deeg kan vorm. Prik die binnekant van die deeg (binne die rant wat jy met die mes gemaak het) met ’n vurk.

Klop die roomkaas, versiersuiker en kaneel saam en smeer dit in ’n dun lagie oor die geprikte deel van die deeg. Rangskik die nektarienwiggies sodat dit effens oorvleuel, maar maak seker jy hou die rantjie buite-om oop. Bak vir 12-15 minute tot goudbruin. Sif ’n bietjie versiersuiker oor en sit warm of teen kamertemperatuur voor. Lewer 6 porsies.