Souttert met sampioene, aspersies en camembert
6 snye witbrood, korsies afgesny en brood gebotter
1 houer (230 g) roomkaas, geklop tot glad 180 ml melk
60 ml mayonnaise of suurroom
6 eiers
Sout en varsgemaalde swartpeper na smaak 200 g klein portabellini-sampioene
45 ml botter
Hand vol vars aspersies, middeldeur gesny Halwe camembertkaas, in blokkies gesny
Voorverhit die oond tot 170 °C. Voer ’n diep, middelslag-oondbak uit met die gebotterde brood (gebotterde kant na onder). Klits die roomkaas, melk, mayonnaise of suurroom en eiers goed saam. Geur met sout en peper en hou eenkant.
Braai die sampioene in ’n pan in die botter tot halfgaar. Voeg die aspersiestukkies by en braai verder tot dit net begin verkleur. Giet die roomkaasmengsel in die uitgevoerde bak. Skep die sampioene en aspersies bo-op en druk dit effens in die eiervulsel in. Sprinkel die blokkies camembertkaas oor. Bak vir ongeveer 25-35 minute tot die vulsel ferm is en die bokant ’n mooi goudbruin kleur het. Lewer 8 porsies.