Hoenderbredie met wortels en patat

30 ml olyfolie 6 hoenderdye, met vel en been

Sout

1 ui, fyngekap 2 knoffelhuisies, fyngedruk

5 ml elk gerasperde vars gemmer, borrie, kerriepoeier, swartpeper rissiepoeier en komyn 1,2 liter hoenderaftreksel 15 ml tamatiepuree

3-4 groot wortels, geskraap en in ringe gesny

2-3 patats, geskil en in blokkies gesny

10 ml gekapte vars tiemieblaartjies Gebraaide, gekapte kasjoeneute vir voorsit

Verhit die olie in ’n diep swaarboompan. Geur die hoenderdye met sout en braai dit met die velkant na onder in die olie tot bruin. Draai om en braai ook die ander kant bruin. Skep die hoender uit die pan en hou eenkant. Braai die ui en knoffel in dieselfde pan tot sag en gaar. Voeg die gemmer en speserye by en braai vir 1-2 minute. Voeg die hoenderaftreksel en tamatiepuree by en verhit tot kookpunt. Sit die hoenderstukke terug in die sous en prut vir 35 minute. Voeg die wortelringe, patatblokkies en tiemieblaartjies by en prut vir nog sowat 30 minute, tot die groente sag en gaar is. Sit die bredie voor op witrys waarby jy ’n paar lepels gebraaide kasjoeneute geroer het. Lewer 6 porsies.