Peerpoedings met roomstroop
Beslag
250 ml suiker
45 ml botter
2 eiers
60 ml melk
300 ml koekmeel
100 ml gemaalde amandels
7 ml bakpoeier Knippie sout
420 g ryp pere, geskil, ontkern en in wiggies gesny
125 ml gevlokte amandels
Stroop
250 ml suiker
250 ml room
60 ml brandewyn 10 ml vanieljegeursel
Voorverhit die oond tot 180 °C en smeer 8 individuele bakkies (of ’n tertbord van 26 cm) met botter. Verroom die botter en suiker goed en voeg die eiers by. Klits goed. Voeg die melk by en klits weer deur. Voeg die meel, gemaalde amandels, bakpoeier en sout by en meng goed. Verdeel die beslag tussen die bakkies of skep dit in die tertbak. Pak die peerwiggies daarop en druk dit effens in die beslag met ’n teelepel. Bak vir sowat 30 minute tot goudbruin. Haal uit die oond, sprinkel die amandels oor en bak verder tot deurgaar en die amandels goudbruin is.
Stroop: Terwyl die poeding bak, verhit die suiker en room tot kookpunt. Voeg die brandewyn by en kook vir ’ n paar sekondes. Sodra die poeding uit die oond kom, voeg die vanieljegeursel by die stroop en skep die stroop versigtig oor die poedings. Laat effens afkoel en bedien met vanieljeroomys of geklopte room. Lewer 8 porsies.