BÊREBOEK
Ek kan nie anders om vanoggend agter die rekenaar in te skuif en vir julle ’ n briefie te tik nie. Die nuwe spesiale uitgawe van Boerekos is ’n versamelstuk wat op elke kosliefhebber en Landbouweekblad- leser se boekrak hoort.
Dit het my met heimwee laat terugdink aan Kersfeesetes, Oujaarsbraaivleis, teepartytjies met vriendinne, die kinders se verjaardagpartytjies en ander spesiale dae op die plaas. Al is ek nou afgetree, bly ek ’n boervrou in my hart. En as die kinders kom kuier, soek hulle Ma se boerekos! Dankie vir die pragtydskrif. Ek tel dit kortkort op om deur te blaai. SUSAN VAN DER MERWE HERMANUS