ONS KOOK NOU OOK IN ENGELS

Ons is opgewonde om die eerste uitgawe van Boerekos se Engelse suster, Country Cooking, bekend te stel. NoukanalonsEngelsevriende saam kook en die lekkerte van egte Suid-Afrikaanse kontreikos proe. Country Cooking is op dieselfde resep as Boerekos geskoei — ons besoek boere reg oor die land en vertel die stories van hul boerderye en besighede, kook saam in plaaskombuise en deel familieresepte van die Suid-Afrikaanse platteland. Die eerste propvol uitgawe van Country Cooking sluit ook resepte in vir die feesseisoen, verfrissende somerslaaie, maklike aandetes en tuisgemaakte drankies vir die warm somermaande. Vir die eerste uitgawe het die gesoute joernalis en kosfanatikus Anneliese Burgess deur die Karoo en ’n stukkie van die Oos-Kaap gereis en heerlike stories en resepte versamel. Country Cooking bevat 150 resepte en is beskikbaar by die meeste supermarkte teen R80. Volg Country Cooking ook op Facebook of Instagram vir nuus en ’n kykie agter die skerms.

ANNATJIE BEZUIDENHOUT

Ek het in die begin ’n paar uitgawes gemis, maar nou maak ek seker ek kry elke een. Die beste, beste resepte, ek kan nie wag vir ’n volgende uitgawe nie. Die kerrieresepte het my na Durban laat terugverlang. RYNETTE VAN VUUREN My gunsteling-kostydskrif! Ek lees elke storie by die resepte.

CHRISTA VAN SITTERT Ek maak die bees-en-sampioenpastei vandag. Lieflike boek.

LP LOUW

Die voorblad is propvol

belofte. Kruie en speserye maak my opgewonde. Ek het basies leer kook uit Landbou Boerekos. Die 2021-winteruitgawe is regtig uitsonderlik. Nou gaan ek ook lekker geurige kos maak.

NICKY ESTERHUIZEN Ek het ses van die resepte die naweek gemaak. Wat ’n fees. As spysenier van egte boerekos geniet ek jul tydskrif terdeë.

MARLENE THOMAS

Die beste reseptetydskrif! ELIZE MUSSMANN

Ek is besig om elke woord te lees!

RETHA RIX

Hierdie Boerekos – en ek mis nie een nie – moet almal eintlik op hul tafel hê.