Turkish Delightamandeljogurtkoek
’n Lieflike, skuldvrye en glutenvrye koek wat met amandels en jogurt gemaak word.
Stroop
325 ml kookwater
6 sakkies Carmién Turkish Delight and Rose Petal Tea
80 ml strooisuiker
Hand vol vars aarbeie en bloubessies
Koek
6 eiers, geskei
200 ml strooisuiker
200 ml dik, natuurlike jogurt Fyngerasperde skil van 1 suurlemoen 625 ml gemaalde amandels
Versiersel
1 houer (230 g) geroomde maaskaas
30 ml versiersuiker
Roosblare, geroosterde amandels, pimperneute en vars bessies, om mee te versier
Voorverhit die oond tot 180 °C en smeer of bespuit twee losboomkoekpanne van ongeveer 20 cm.
Stroop: Giet die kookwater oor die 6 teesakkies en laat staan vir minstens 5-10 minute. Druk alle vloeistof uit die sakkies en haal die sakkies uit. Voeg die strooisuiker en vrugte by en verhit tot kookpunt. Verlaag die hitte en posjeer die vrugte in die teestroop tot dit sag, maar nie pap is nie. Laat die vrugte in die stroop afkoel. Koek: Klits die eiergele en strooisuiker baie goed saam tot lig en donsig. Voeg die jogurt en suurlemoenskil by. Vou die gemaalde amandels versigtig in. Klits die eierwitte tot sagte punte vorm en vou dit by die beslag in. Verdeel die beslag tussen die voorbereide panne en bak vir ongeveer 30 minute, of tot deurgaar.
Laat die koeke vir paar minute in die panne afkoel en keer dan op draadrakke uit. Skep die stroop oor die koek, maar hou sowat 80 ml daarvan eenkant. Laat verder afkoel voor jy die koek versier. Versiersel: Meng die maaskaas en versiersuiker liggies en verkoel tot benodig. Gebruik dit as vulsel en versiersel vir die twee koeklae. Rond die koek af met die orige stroop en versier met die geposjeerde vrugte, roosblare en geroosterde amandels of pimperneute.
Lewer 1 groot koek.