Suurlemoen Bûche de Noël
Ondat die meeste bakkers vreeslik gekonfyt is wanneer dit by die bak van ’n Swiss roll kom en die Franse Kerskoek eintlik maar net ’n gewone rolkoek is, het ek besluit op ’n anderste weergawe: suurlemoen-meringue-rolkoek met witsjokolade-wrongel en ’n kompot van bloubessies, frambose en sjokolade. Voeg hierby die wonderlikste geurmiddel vir witsjokolade: poeierfyn vinkelsaad. Treffend vir die teetafel, maar ek verkies om dit as nagereg op framboos-coulis voor te sit. Dit is ook ’n wonderlike Kerspoeding op kiwivrugsous, omring met aarbeie.
Wrongel
100 ml vars suurlemoensap
15 ml fyngerasperde suurlemoenskil 200 ml suiker
4 eiergele
Knippie sout
200 g witsjokolade, gerasper
5 ml poeierfyn vinkelsaad
90 ml botter
Bessie-kompot 100 g bloubessies 100 g frambose 30 ml strooisuiker
Rolkoek
4 eierwitte van ekstragroot eiers Knippie sout 5 ml mielieblom
200 g strooisuiker
5 ml witasyn
Fyngerasperde skil van 2 suurlemoene 10 ml poeierfyn vinkelsaad Versiersuiker
Vulsel
250 ml dik room
Wrongel (hiernaas)
5 ml poeierfyn vinkelsaad
Voorverhit die oond tot 180 °C. Voer ’n rolkoekpan van min of meer 26 x 38 cm uit met bakpapier. Smeer of bespuit liggies met kleefwerende kossproei.
Wrongel: Meng die suurlemoensap, -skil en suiker en roer oor lae hitte totdat die suiker opgelos is. Verhoog die hitte en kook tot ’n stroop. Skep die eiergele, sout en sjokolade in ’n mengbak en plaas dit oor matige stoom. Klop met ’n draadklopper tot dit lig van kleur is. Klop die suurlemoenstroop geleidelik by en klop tot die mengsel dik is. Verwyder van die hitte en laat effens afkoel. Strooi vinkel oor. Klop die botter lepel vir lepel by. Kompot: Prut die bessies, frambose en suiker oor lae hitte totdat die bessies bars. Verwyder van hitte en laat yskoud word. Rolkoek: Klits die eierwitte en sout tot stywe punte vorm. Strooi die mielieblom oor. Klop die strooisuiker lepel vir lepel by. Roer die asyn, skil en vinkel by. Skep in ’n pan, smeer gelyk en bak 15 minute lank. Keer uit op ’n
Ek was baie sterk ingestel op Betsie Rood en het haar dikwels, toe ek kosredakteur van Sarie was, ingespan om ’n bydrae te lewer, veral oor die streekkosse van Suid-Afrika se Weskus. Wanneer ’n mens ’n besonderse toegeneentheid teenoor iemand ontwikkel, wil jy ook erkenning aan daardie persoon gee. Sy het dikwels gekla dat pakkies winkelbeskuitjies so baie gebreekte stukkies bevat dat sy eerder haar eie koekies gebak het. Daarom het ek iets spesiaal vir haar geskep: stukkieskywe!
30 ml lemoenlikeur
200 g donkersjokolade, gekap
200 g melksjokolade, gekap
45 ml songedroogde bosbessies
45 ml fyngekapte versuikerde pynappel 1 rooi brandrissie, met of sonder pitte, fyngekap
60 ml gekrummelde marsepein
200 g gebreekte, of afvalstukkies outydse soetkoekies
Voer ’n vierkantige bak van 20 x 20 cm met bakpapier uit. Skep alles buiten die koekies in ’n groot mengbak en plaas dit oor stoom. Roer tot die sjokolade gesmelt is. Verwyder die mengbak en voeg die koekiestukkies by. Meng deeglik. Skep in die bak en bedek met kleefplastiek. Plaas oornag in die yskas. Keer uit, trek die papier af en sny in skywe. Lewer 12 skywe
250 g haselneute, gerooster, skilletjies met ’n teedoek afgevryf
200 g donkersjokolade, gekap
200 g ongesoute botter
6 ekstragroot eiers, geskei
30 ml Frangelico (haselneut-likeur)
Afronding
100 g donkersjokolade 250 ml dik room
15 ml Frangelico
Voorverhit die oond tot 180 °C en voer ’n veerklamppam van 20 cm met bakpapier uit. (Vir die foto het ons ’n losboom-broodpan van 30 cm x 11 cm gebruik.)
Strooi 100 g strooisuiker in ’n pan. Verhit en kantel die pan totdat al die suiker opgelos en gekaramelliseer is. Voeg die neute by. Gebruik ’n langsteel-drietandvurk en trek die neute deur die karamel tot dit deeglik bedek is. Keer uit op ’n oppervlak wat baie liggies met olie gesmeer is. Laat net so staan tot koud. Breek in stukke en maal fyn in ’n voedselverwerker. Hou 3 eetlepels pralien eenkant.
Smelt die sjokolade en botter oor stoom. Roer deurentyd. Voeg pralien by en haal die bak van die stoom af. Laat afkoel, maar nie heeltemal koud word nie. Klits intussen die eiergele en die oorblywende suiker tot lig, donsig en dik. Maak seker dat die suiker heeltemal opgelos is; die volume sal amper verdubbel. Roer die pralienmengsel hierby in. Klits die eierwitte totdat dit stywe punte vorm. Vou in by die pralienmengsel. Roer likeur by. Skep in die pan en bak vir 50-60 minute. Toets vir gaarheid – ’n toetspen wat in die middel van die koek gesteek word. Haal die pan uit die oond en laat vir 10 minute staan. Keer uit en wag tot dit heeltemal koud is.
Afronding: Skep die sjokolade en room in ’n kastrol, verhit en roer tot die sjokolade opgelos is. Verwyder van die hitte en roer die likeur by. Laat effens afkoel en smeer oor die koek. Strooi die pralien wat uitgehou is, oor.
Naskrif
Daar is sekere vorme van gebak wat ek net nie kan weerstaan nie. Afgesien van al die brode, brioche en croissants is dit roti soos deur my vriendin Cass Abrahams berei; Johan Odendaal se simnel-koek (Paaskoek); linzer torte en alles by Lenôtre se bakkery in Parys, Frankryk. En wyle Topsi Venter se sprietuie-en-vars-kruie-quiche, Adri McWilliam-Smith se melktert en Barbara Joubert se outydse appeltert.