Draakvrug-enkomkommersalsa
’n Vars salsa van draakvrug, komkommer, kruie en suurlemoen komplimenteer geroosterde witvis perfek en sorg vir ’n vars knars en ’n bietjie soetigheid op jou bord.
1 middelslag-komkommer, in die lengte gehalveer en pitte uitgeskraap
Halwe rooi-ui, fyngesnipper
1 draakvrug, geskil en in klein blokkies gesny 1 klein, groen brandrissie, pitte verwyder en fyngesnipper
10 ml fyngekapte, vars kruisement
Sap van ’n halwe suurlemoen
Sout en varsgemaalde swartpeper
Snipper die komkommer in klein blokkies en meng dit met die gesnipperde ui, draakvrug, brandrissie en kruisement. Druk ’n bietjie suurlemoensap oor en geur na smaak met sout en peper. Skep in ’n nie-metaalhouer, bedek lugdig en verkoel tot benodig. Moenie die salsa te lank vooraf maak nie, anders sal dit van sy brosheid verloor.
Sit voor met geroosterde vis of hoender. Lewer 500 ml salsa. frissende vrugteslaai perfek vir ontbyt of selfs vir nagereg. Die vrugte wat hier gebruik word, is elkeen uiters hoog in vitamien C en ander voedingstowwe, en is nie net lekker nie, maar baie goed vir jou. Die kruisementstroop verleen net daardie tikkie ekstra geur. Eet dit net so, of sit dit voor met dik volroomjogurt en granola.
Kruisementstroop
100 ml suiker
150 ml water
Sap van 1 groot suurlemoen
45 ml geskeurde, vars kruisementblare
Vrugteslaai
1 wit draakvrug
1 pienk draakvrug
2 ryp kiwivrugte
125 ml vars frambose of bloubessies
Stroop: Verhit die bestanddele vir die stroop stadig oor lae hitte, terwyl geroer word, tot ál die suiker opgelos is. Verhit tot kookpunt en kook vinnig vir 3-5 minute. Verwyder van die hitte en laat afkoel tot kamertemperatuur. Verkoel tot benodig.
Slaai: Skil en sny ál die vrugte in hapgrootte stukkies en rangskik op ’n mooi bord. Drup ’n bietjie van die yskoue kruisementstroop oor en rond af met ’n paar vars kruisementblare. Sit dadelik voor. Lewer 2 porsies.