Stampkoringslaai met mielies
1 pakkie (500 g) stampkoring
5 ml ml sout
1 liter water
1 groot tamatie, fyngesnipper
1 groen soetrissie, fyngesnipper
1 ui, baie fyn gekap
180 ml pitlose rosyne of sultanas
350 ml gaar pitmielies 60 ml fyngekapte vars pietersielie
250 ml goeie mayonnaise
30 ml bruinasyn
30 ml suiker
7 ml geroosterde kerriepoeier
Verhit die stampkoring, sout en water in ’n kastrol en kook tot die koring gaar is. Dreineer goed en laat afkoel tot kamertemperatuur. Verkoel tot benodig.
Meng die tamatie, soetrissie, ui, rosyne of sultanas, mielies en pietersielie en voeg dit by die koring. Meng die mayonnaise met die asyn, suiker en kerriepoeier en voeg dit by die slaai. Meng goed deur, bedek lugdig en verkoel vir 1-2 dae voor dit voorgesit word.
Lewer 10 porsies.
Hoeveel suikermielies verbou julle?
Ons plant suikermielies op sowat 180 ha. My man, Koos, is verantwoordelik vir die aanplanting en produksie en ek behartig die bemarking.
Hoekom smaak suikermielies so soet?
Mielies is in die sestiende en sewentiende eeu die eerste keer in Afrika geplant. Suikermielies spruit uit mielies waarvan die suikerinhoud minstens twee keer soveel as tradisionele mielies is, danksy ’n natuurlike mutasie in die gene wat die omskakeling van suiker na stysel beheer.
Wanneer is die suikermielie-oesseisoen?
In die Laeveld is ons ideale oestyd van April tot November. Somertyd, wanneer die kwik tot 40 °C kan styg, duur dit sowat 60 dae van plant tot pluk, maar in die winter rek dit tot 110 dae.
Wat tel in jul guns om dié mielies te verbou? Hoedspruit het die ideale klimaat. Die winterdae is heerlik warm, van 22 °C tot 28 °C. As dit koeler as 10 °C of warmer as 35 °C is, word die suikermielies se groei, kop- en pitontwikkeling benadeel. Nog ’n bonus is dat ons gebied nie ryp kry nie. Ons pas wisselbou toe deur tef en Nutrifeed in die somer te plant.
Watter voordele bied die pakskuur?
Ons plant ons eie produk en verpak dit in die