KOMBUISWENK

Vervang 80 ml van die koekmeel met kakao as jy sjokoladesponskoeke wil bak. Die koeke vries ook goed vir tot ’n maand.

Vulsel van jou keuse, soos konfyt, suurlemoensmeer of karamelkondensmelk

Voorverhit die oond tot 180 ºC. Voer ’ n gesmeerde bakplaat met bakpapier uit en smeer dit weer. Klits die eiergele, 95 ml van die strooisuiker en die water saam tot liggeel en dik. Klits die eierwitte in ’n groot bak tot stywe punte vorm. Klits die orige 30 ml strooisuiker daarby in. Hou aan met klits tot die mengsel dik en blink is. Vou die eiergeelmengsel daarby in. Sif die meel en bakpoeier oor die mengsel en vou dit liggies in. Gooi die beslag in die voorbereide pan en bak dit vir 1215 minute tot dit terugspring as jy liggies met jou vinger daarop druk. Keer die koek op ’n effens klam teedoek uit en rol dit op. Laat dit afkoel. Rol die afgekoelde koek oop, smeer die vulsel op en rol dit weer toe. Botterversiersel: Verroom 125 g sagte botter en 500 ml gesifte versiersuiker. Voeg 10 ml vanieljegeursel en ’ n bietjie kookwater of louwarm melk by terwyl jy klits om ’n romerige, smeerbare versiersel te maak. Gebruik dit net so of kleur met koskleursel. Drupversiersel: Sif 500 ml versiersuiker in ’n bak. Meng 30 ml suurlemoensap en 30 ml koue water en voeg dit bietjie vir bietjie by die versiersuiker tot ’n slap, maar smeerbare versiersel vorm. As dit te loperig is, voeg gesifte versiersuiker by. As dit te styf is, voeg ’n paar druppels vloeistof by. Kleur die versiersel met koskleursel, soos verlang.

Koninklike versiersel: Klits twee groot eierwitte in ’n skoon glas of metaalbak tot sagte punte vorm. Voeg die versiersuiker lepel vir lepel by terwyl geklits word tot die mengsel dik en blink is. Klits 510 ml suurlemoensap deur. Gebruik die versiersel dan dadelik, want dit word baie vinnig hard.