VINNIGE VRAE
Highveld Mushrooms is al meer as 45 jaar aan die gang, en een van die grootste sampioenboerderye in Suid-Afrika. Vertel meer.
Die boerdery is in 1979 deur Chris Richardson en Colin Jacobson begin met die doel om aan die verwerkingsbedryf te lewer. Aanvanklik het die plaas, by Centurion, sowat 4 ton sampioene per week verbou. Kort daarna het die vraag na verwerkte sampioene afgeneem, en Highveld spits hom sedertdien hoofsaaklik op vars sampioene toe. Ons het intussen Meadow Mushrooms in die Vaaldistrik oorgeneem en ’n meerderheidsaandeel in Medallion Mushrooms op Stellenbosch verkry. Ons produseer nou meer as 100 ton sampioene per week.
Watter soorte sampioene produseer julle?
Wit- en bruinsampioene, wat ons in groeikamers op drie plase kweek.
Hoe verseker julle goeie gehalte?
Die eerste vereiste is ’n selektiewe kompos. Ons s’n word vervaardig uit ’n verskeidenheid materiale, waarvan koringstrooi die hoofbestanddeel is. Ons gebruik gevorderde tegnologie vir komposproduksie. Dit is ook belangrik om die regte spore en miselium te gebruik. Om te verseker dat jou sampioene behoorlik groei, moet die regte toestande geskep word. Sampioene het spesifieke temperatuur-, humiditeit- en koolstofdioksied-vereistes wat verander na gelang van hul ontwikkelingstadium.
Die produksieproses is ingewikkeld, maar kan jy dit verduidelik?
Dit is ’n kombinasie van
Hoe lank is die groeisiklus?
Na gelang van die tyd van die jaar duur die proses sowat twaalf weke vandat jy begin kompos maak tot jy oes.
Wat is jou gunstelingresep met sampioene?
Sampioensteaks (groot sampioene) wat jy in die pan of oor die kole braai, saam met ’n vars Griekse slaai met grofgekapte tamatie en feta.