FRANCOIS VORSTER PIESANGBOER

VINNIGE VRAE

Julle boer met ’n verskeidenheid gewasse. Hoe belangrik is die piesangs?

Piesangs is ’n kleiner vertakking van ons boerdery, maar belangrik vir kontantvloei omdat ons regdeur die jaar oes en ’n inkomste daaruit verdien.

Met watter soort piesangs boer julle?

Ons verbou Cavendishtipe piesangs, soos Williams en Grand Nain.

Wanneer pluk julle piesangs?

Sowat twee derdes van ons piesangs word in die somer geoes, die res in die winter. Ons sikluslengte – van die een tros tot die volgende – is sowat 13 tot 15 maande. Só ’n tros lewer ongeveer twee kartonhouers van 18 kg elk se eerstegraadvrugte. Die tweedegraadvrugte verkoop ons aan die smousmark. Ons verkoop weekliks op die varsproduktemarkte onder die Mala-Malahandelsmerk.

Waarom is rypmaakkamers belangrik?

Jy kan ’n piesang nie sommer van die boom af pluk en geniet nie. Die uitgeswelde vrugte moet drie tot vyf dae lank in ’n temperatuur-gereguleerde rypmaakkamer met ’n natuurlike gas, etileen, behandel word.

Francois Vors Vorster er is s deel e van die Mahela-boerdery by Letsitele, waar die Vorster-familie onder meer met piesangs boer.

Hoekom word die trosse aan die bome met plastieksakke toegemaak?

Dit dien as sonskerm vir die piesangs en skep ook ’n mikroklimaat rondom die trosse om ’n klein bietjie te ontwikkel.

Hoekom het so ’n groot deel van die bedryf oor die grens na Mosambiek geskuif?

Die boerderysiklus is korter en produksiekoste laer as in Suid-Afrika. Die Mosambiekse bedryf knou dus Suid-Afrika se piesangbedryf. Piesangs is ook minder winsgewend as avokado’s en makadamias, dus het talle plaaslike boere piesangplantasies daarmee vervang.

Wat is jou gunstelingmanier om piesangs te eet?

Ons familie eet graag piesangbrood, maar ek hou die meeste van ’n vars piesang wat net-net ryp is.