BARKER AND QUIN en JOHN ROSS
Dit was die behoefte aan tonikum van topgehalte vir die kieskeurige Suid-Afrikaanse jenewerdrinker wat Barker and Quin in 2016 die lig laat sien het. Die onderneming se visie is natuurlike premiedrankies wat nie net funksioneel is nie, maar 'n gesonde, nie-alkoholiese alternatief aan verbruikers bied.
Die craft gin- neiging het Suid-Afrika jare gelede getref, maar die plaaslike tonikumaanbod het nie kers vas gehou by die gehalte van die jenewer wat beskikbaar was nie. Hierdie geleentheid het daartoe gelei dat Barker and Quin op die been gebring is.
In die proses om ’n voortreflike tonikum te vervaardig, word geen moeite ontsien nie. Slegs natuurlike produkte van die hoogste gehalte uit Afrika word gebruik. Die sitrus en speserye in hul produkte kom van gedistilleerde essensiële bestanddele, en kinien word verkry uit die bas van kinabome ( cinchona) in die Demokratiese Republiek van die Kongo.
Deur hierdie bestanddele met fonteinwater uit die Breederivier in die Slanghoekvallei te kombineer, word tonikum vry van kunsmatige versoeters, kleur- en geurmiddels geskep.
Barker and Quin se tonikum mwater is verfrissend en lekker genoeg om op sy eie gedrink te word, maar voeg dit by ’n goeie jenewer, en jy skep ’n unieke fynproewersdrinkervaring.
Hoewel sy tonikums perfek by jenewer pas, is Barker and Quin ’n nie-alkoholiese drankieprodusent.
“Ons produkreeks het begin met klassieke Indiese en ligte tonikums. Ons het daarna begin uitbrei na eksotiese geure wat uniek is aan Suid-Afrika, soos heuningbos en maroela. Ons het onlangs ook hibiskusgeur bekend gestel,” vertel Chris.
Die ander spogproduk uit hul stal is John Ross – ’n nie-alkoholiese, gedistilleerde kruiedrankie wat elke bietjie so lekker soos die beste jenewer proe. Dié drankie met sy goue kleur (afkomstig van heuningbostanniene wat in die produksieproses gebruik word) is ’n gesofistikeerde alternatief vir iemand wat ’n goeie, nie-alkoholiese G&T verkies. Meng eenvoudig John Ross met jou gunsteling- Barker and Quin-tonikum, voeg ’n skyfie suurlemoen en dalk ’n kaneelstokkie by, en siedaar!
En waarna kan besoekers aan die Barker and Quin-toonbank by die SyngentaBoerekos- Plaaskombuis tydens Nampo 2024 uitsien?
“Kom bederf jouself met heerlike niealkoholiese cocktails van hoë gehalte,” sê Chris.
“Kom leer ook meer oor die unieke geure en smake van ons drankies. En jy kan agterna veilig terug huis toe ry!”