LANA HIMMEL SITRUSBOER
VINNIGE VRAE Watter soorte sitrus verbou julle?
Ons begin middel Februarie Satsumas pak, en beweeg dan in Maart oor na Novas. Dan volg Leanri, Nadorcott, Mor, Ori en Empress (wat almal as die Transvaalnartjie ken). Later in die seisoen, teen einde September, maak ons klaar met Tambor. Ons verbou ook suurlemoene.
Waar bemark julle?
Sowat 40% van ons produkte word na die Europese Unie en die Midde-Ooste uitgevoer, en 60% pak ons vir die plaaslike mark, veral kleinhandelgroepe en die varsproduktemarkte.
My pa sê graag dat die plaaslike verbruikers ons deur moeilike tye gedra het, en ons manier om dankie te sê, is om altyd ’n sterk teenwoordighied op die plaaslike mark te hê. Jou mense is jou mense, en jy het ’n verantwoordelikheid om na hulle te kyk.
Met watter probleme het die sitrusbedryf te kampe?
By ons is diefstal ’n baie groot probleem. Ons boorde sal sommer oornag gestroop word van alle vrugte wat kleur het. Ons stel nou permanente wagte aan om die boorde te patrolleer waar die vrugte verkleur. Beurtkrag kortwiek ons, en dit vereis baie beplanning en uitgawes om te vergoed vir die
Lana Himmel bedryf saam met haar broer, Gerald Slade, en hul gades die omvangryke boerdery met verskillende sitruskultivars op 120 ha wat hul pa, Tommie Slade, in 1994 op ’n klein sitrusplasie by Brits begin het.
verlies aan produktiwiteit. Die pakskuur en koelkamers kan in elk geval nie sonder krag wees nie, daarom maak ons ten duurste staat op twee kragopwekkers.
Wat beteken dit om sitrusvrugte te ontgroen?
Dit is ’n proses wat ons by die Satsumas en Novas toepas. Die vrugte word in ’n oplossing gedompel en dan 24 uur onderdak op ’n stoep laat staan, waarna dit vir sowat 72 uur na ’n etileenkamer gaan waar etileengas gesirkuleer word. Dit veroorsaak dat die vrugte vinniger van groen na geel verkleur. Wanneer dit uit die kamer kom, staan dit weer 24 uur op die stoep. Dit duur dus vyf dae vandat die vrugte gepluk is totdat ons dit kan pak.