ONTMOET ONS KOSVENNOTE
’n Sjef se kos is net so goed soos die gehalte-bestanddele waarmee gewerk word. Daarom gaan die kos in ons Plaaskombuis-restaurant smullekker wees, want ons vat hande met die beste in die bedryf.
Sparta is ’n familieonderneming onder familiebestuur met diep landbouwortels wat meer as ’n eeu terugstrek, en ’n leier op die gebied van plaas-tot-verbruiker-naspeurbaarheid van beesvleis in Suid-Afrika. Die maatskappy se visie was nog altyd nou verweef met die grond, en dit is die liefde vir die grond en vir beeste wat die span inspireer om topgehalte-beesvleis te produseer.
Die familie-onderneming Malu Pork bestaan al sedert 1968 en is een van die grootste produsente van varkvleis in die Noord-Kaap en Vrystaat. Tans is drie geslagte van die Malherbe-familie aktief betrokke by die besigheid. Malu Pork het net een doel voor oë, en dit is gehalte. Dit geld vir die hele waardeketting – van veevoer en versorging tot slagpale en die verwerkingsaanleg – om te verseker dat alles volgens die hoogste standaarde is.
Dit is nie toevallig nie dat die Angus een van die wêreld se grootste vleisbeesrasse is. Die vleis is wêreldwyd gewild vanweë uitstekende marmering en dus sappigheid en smaaklikheid. Keer op keer sorg die smaak, sagtheid en sappigheid van Angus-beesvleis vir smullekker resultate.
Die kleinhandelreus het sy eerste tree in 1993 gegee toe die broers Brian en Mike Copping die eerste Fruit & Veg City in die suidelike voorstede van Kaapstad oopgemaak het. Die besigheid het ongelooflike groei getoon en uitgebrei. Vandag is daar meer as 100 winkels reg oor Suid-Afrika en Afrika, en staan die groep as Food Lover’s Market bekend. Hulle skryf die sukses van hul besigheid toe aan hul familiewaardes van vertroue, eerlikheid en integriteit in alles wat hulle aanpak.
Astral is die grootste geïntegreerde pluimveeprodusent in SuidAfrika, met plase en verwerkingsaanlegte reg oor die land. Die groep besit onder meer handelsmerke soos Country Fair, Goldi, Festive en Mountain Valley. Dit voorsien nie net hoender van hoë gehalte aan die restaurantbedryf nie, maar ook aan supermarkgroepe.