Herbou jou kuddes só ná die droogte
Die afgelope jaar se El Niñoweerverskynsel en gepaardgaande droogte het landwyd ’n verwoestende uitwerking op veekuddes in die stoet-, kommersiële en kommunale sektor gehad. Hier is raad om jou kuddes te herbou sodra die natuur weer saamspeel.
Die uitwerking van die droogte op die gemiddelde grootte van ’n koeikudde, soos die toon, was teen die einde van die 2015-’16-produksietyd duidelik, met ’n betekenisvolle afname in die gemiddelde aantal koeie in ’n kudde. In die lig daarvan kan die prys van ongedekte vleisbeesverse, wat tans R7 500 per kop behaal, maklik teen Januarie 2017 tot R15 000 per kop styg. ’n Soortgelyke opwaartse neiging word vroeg in 2017 in die prys van speenkalwers verwag, wat tot ’n hoër prys vir verbruikers op die supermarkrak sal lei.
As stoetvee so geweldig duur gaan word, wat is die alternatiewe strategieë vir beesvleisprodusente om hul kuddes te herbou?
KOOP UITSKOTDIERE BY JOU BURE
Mnr. John Boulle. heidstoestand van jou bure se beeste, wat die transaksie sal vergemaklik as die diere gesond is.
KOOP SPEENKALWERS VAN ’N VOERKRAAL
In dié geval sal jy ongetwyfeld ’n premie moet betaal omdat hierdie verse vir die vleismark bestem is. As die voerkraaleienaar bereid is om oortollige diere te verkoop, sal hy jou na alle waarskynlikheid vra wat hy ná ’n voertydperk van 100 dae verwag om te kry.
In dié geval het jy geen waarborg wat betref die gehalte van teling of die diere se gesondheid nie.
Jy kan daarop reken dat die meeste voerkraaleienaars die beesvleisprodusent met R1 tot R1,50 per kop vir verse penaliseer wanneer ’n groep speenkalwers gekoop word. As jy bereid is om dié boete te betaal, sal die voerkraal dalk meer bereidwillig wees om sy surplusverse aan jou te verkoop.
Dit is ’n taamlik vinnige en maklike manier van kuddeherbouing.
KOOP VLEISRAS-MELKRASKRUISDIERE