DOHNE’S IS GESOG

Op die nasionale Dohne-Merinoveiling in Maart in Bloemfontein is ’n rekordprys van R220 000 vir ’n ram deur die Vrystaatse telersgroep Crux Dohne-Merino’s van Edenburg en mnr. John Morris van die Universiteit Stellenbosch betaal. Die verkoper was mnr. Boeta Wessels (links) van die Weska-stoetery, Bredasdorp. By Boeta is, van links, mnre. Louwrens Conradie, Wikus Bekker en Schalk van der Merwe (almal van Crux-Dohne’s), John, Jan Joubert van BKB en Koos Vosloo, hanteerder, ook van Crux. Altesame 39 ramme is teen ’n puik gemiddelde prys van R34 926 stuk op die veiling verkoop.