Modes kry dalk in New York, Londen en Milaan gestalte, maar die neigings word sedert die ontstaan van Landbouweekblad fyn gevolg. Swakara, sybokhaar, wol en
ander landbouprodukte kry ook ’n kans in die kollig.
28 Oktober 1969 Hierdie jas van glimmende Swakara, die “prinses van alle pelse”, is in die Daan Viljoenwildtuin buite Windhoek afgeneem tydens die Swakaramodefees in dié stad. Die allerbeste pelseniers se skeppings was daar te sien.
7 Junie 1966 Ons het na asem gesnak toe mnr. J.H. Nel van Tafelkop, Jansenville, ’n ongehoorde R4,96 vir ’n pond sybokhaar kry. Maar kort daarna kry mnr. Abrie de Vries van Soetendalspoort, Willowmore, ’n volle R5 per pond vir ’n baal kleinbokkiehaar!
13 Julie 1965 Die velle van ’n groot verskeidenheid diere – van luiperd tot chinchilla – word in SuidAfrika verwerk tot peperduur pelse. Hier is ’n jas van ’n plaaslike luiperdvel. SuidAfrika se pelse kan in der waarheid meeding met die beste ter wêreld.
5 Junie 1962 Mej. Julia Hanefeld met pluime wat in die kleinhandel 45 sent elk kos. Op Oudtshoorn verdien volstruisboere nagenoeg R25 per voël. Net mooi niks van ’n volstruis gaan verlore nie.
7 September 1965 Dit is weer tyd vir lentemodes! Op die ou ringmuur met die heuninggeur van die vrugtebloeisels om haar, verlustig mej. Rosita van der Westhuizen haar in die herlewing van die natuur.
30 April 1957 Die gewildheid van chiffon, “die vry en vrolike lyn” is groot nuus in die modewêreld. Die kleure is van die pragtigste, sagte pastel en soms is dit ook helder rooi, middernagblou en smaraggroen.