Strokies oor skop, skiet en stoele breek

Sedert die 1950’s het talle strokiesprente in Landbouweekblad verskyn, soos “Geheime Agent Corrigan”, “Kallie die Klipvis”, “Staatsgeheim BHC7” en “Die Avonture van Buz

Sauer”, skryf Heléne Booyens.

Van Landbouweekblad se strokiesprentreekse is plaaslik geskep, soos “Die oë van Okatura” en “Slang van die Soutpanne”, maar die gewildstes was waarskynlik twee cowboyreekse van Amerika, “Roy Rogers” en “The Lone Ranger”, wat in Landbouweekblad as “Roelf Roux” en “Die Lenige Ruiter” perdediewe, skelm delwers, bankrowers, geweersmokkelaars en buitjagters ( bounty hunters) slae gegee het.

Roelf was veral behendig om wegholtreine tot stilstand te bring, soms bygestaan deur sy kollega Spoed Hamman. Hy het ook dikwels appels geswaai om sy vriendin Sannie se eer te beskerm van ongure karakters,

soos Giftige Anna.

Die Lenige Ruiter was veral bekend vir sy wekroep “Hiho, Silver!” aan sy perd. In Landbouweekblad was dit: “Ry dat dit klap, Dapper!”

Dit was destyds geen maklike taak om die strokies op Landbouweekblad se bladsye te kry nie, want die teks moes eers vertaal word, dan getik, uitgeknip en presies binne die spraakborrel geplak word.

Maar met Roelf Roux en die Lenige Ruiter op die toneel was daar geen kommer oor landelike veiligheid nie.

The Lone Ranger is deur Fran Striker geskryf, en Roy Rogers deur Al McKimson.

1966

1966 BO: Die gemaskerde Lenige Ruiter op sy getroue perd, Dapper, en die spoorsnyer, Tonto. ONDER: Roelf Roux, “koning van die ruiters” raak handgemeen met die skurk Danie Meintjies.